Shugaban Amurka, Donald Trump, ya sake jaddada ikirarin da ya dade yana yi cewa Kiristoci na fuskantar barazana a Najeriya.
A wani jawabi da ya yi a Fadar White House, Trump ya ce Amurka ba za ta ci gaba da kallon kashe-kashen da ake yi wa Kiristoci a Najeriya da wasu ƙasashe ba tare da ta ɗauki mataki ba.
Ya zargi “masu tsattsauran ra’ayin Musulunci” da ci gaba da kisa da suka yi sanadin dubban rayukan Kiristoci a Najeriya, lamarin da ya sa ya sanya ƙasar cikin jerin waɗanda Amurka ke nuna damuwa a kansu.
Trump ya ce Amurka “a shirye take ta kare Kiristoci a ko’ina cikin duniya,” tare da bayyana cewa ya riga ya umarci Majalisar Wakilan ƙasar da ta gudanar da bincike kan lamarin, sannan ta gabatar masa da rahoto cikin gaggawa.