Gwamnatin tarayya ta bayar da hutun zagayowar ranar samun yancin kai

Gwamnatin tarayya ta bayar da hutun zagayowar ranar samun yancin kai

Gwamnatin Tarayya ta Najeriya ta sanar da cewa ranar Laraba, 1 ga Oktoba, 2025, za ta kasance hutun ƙasa domin bikin cikar Najeriya shekara 65 da samun ’yancin kai.

Ministan Harkokin Cikin Gida, Olubunmi Tunji-Ojo, ne ya bayyana hakan a madadin gwamnatin shugaban ƙasa Bola Ahmed Tinubu. Ya kuma taya ’yan Najeriya murnar wannan rana mai tarihi, yana mai kira da a ci gaba da zama masu kishin ƙasa da haɗin kai domin cigaban al’umma.

Wannan sanarwa ta tabbatar da cewa dukkan ma’aikatun gwamnati da masu zaman kansu za su yi hutu a wannan rana, yayin da ake gudanar da bukukuwan bikin ’yancin kai a sassa daban-daban na ƙasar nan.