Hukumomin Saudiyya sun saki ‘yan Najeriya uku da aka tsare a Jeddah tun watan da ya gabata bisa zargin safarar miyagun ƙwayoyi.
Waɗanda aka sako sun haɗa da: Maryam Hussain Abdullahi, Abdullahi Bahijja Aminu, da Abdulhamid Saddieq, waɗanda aka tsare tsawon makonni hudu kafin a tabbatar da cewa ba su da hannu cikin laifin da aka zarge su da shi.
Hukumar NDLEA ƙarƙashin jagorancin shugaban ta, Janar Mohamed Buba Marwa (mai ritaya), tare da goyon bayan Shugaba Bola Tinubu, da haɗin gwiwar Ministan Shari’a, Ministan Harkokin Waje, Ministan Sufuri da kuma Mai ba da shawara kan harkokin tsaro, sun jagoranci tattaunawa da hukumomin Saudiyya domin tabbatar da sakin mutanen.
Yadda aka kama su
Sanarwar NDLEA ta bayyana cewa wani gungun masu safarar miyagun ƙwayoyi a filin jirgin sama na Kano ne suka yi wa jakunkunan da ke ɗauke da ƙwayoyi lakabin sunayen waɗannan mutane uku, waɗanda suka tafi Saudiyya don yin Umrah a ranar 6 ga Agusta 2025.
Bayan an gano laifin, Saudiyya ta tsare mutanen, lamarin da ya jawo tashin hankali daga iyalansu a Najeriya. Wannan ya sa NDLEA ta gudanar da bincike wanda ya kai ga cafke Muhammad Ali Abubakar (wanda aka fi sani da Bello Karama), tare da wasu, ciki har da wasu jami’an jirgin da suka taimaka wajen aika kayan.
Sakamakon bincike
Binciken da aka gabatar ga hukumomin Saudiyya ya tabbatar da cewa waɗannan masu aikin Umrah ba su da hannu a safarar ƙwayoyin, abin da ya sa aka sako su a ranar 14 da 15 ga Satumba 2025.
Shugaban NDLEA, Marwa, ya gode wa gwamnatin Saudiyya bisa goyon bayan yarjejeniyar haɗin gwiwa da take da Najeriya, inda ya ce: