Rundunar sojin Nigeria, mai atisayen Whirl Stroke, sun samu nasarar kama wani mayakin kungiyar yan ta’adda ta Boko Haram, a jihar Taraba.
Rundunar sojin kasa ce ta sanar da hakan cikin wata sanarwar da mai rikon mukamin kakakin ta Captain Olubodunde Oni, ya fitar a birnin jalingo, a yau talata.
:::Sabani ya biyo bayan yunkurin kafa kwamitin sulhu na addinin muslinci a jihohin kudu maso yamma
Sanarwar tace sojoji sun bibiyi mutumin mai suna Gambo Grema, tare da kama shi a garin Mai hula dake karamar hukumar Bali.
Yace wanda aka kama din ya tabbatar da cewa yana daga cikin mayakan Boko Haram, da kungiyar ta tura jihar Taraba.
Ya ce sun zo jihar Taraba don aiwatar da yin garkuwa da mutane don samun kudin fansa da kuma kirkirar wajen da zasu rika tara mutanen da suke sacewa.