Rahotanni sun shaida cewa a yanzu haka Matatar fetur ta Dangote, na jiran karbar gangar danyen mai miliyan 12, da ta siya daga kasar Amurka, kamar yadda Africa Report, ta bayyana a ranar litinin.
:::Shalkwatar tsaron Nigeria tace bata kama Bello Turji ba
Matatar da mayar da hankali wajen siyo danyen man daga ketare sakamakon tana fuskantar kalubalen siyan man daga cikin gida, wanda hakan yake zama cikas ga yanayin tace man da matatar ke son yi a kowacce rana.
Idan za’a iya tunawa a watan Yuni na shekarar data gabata matatar Dangote, tace zata rika tace gangar danyen fetur 650,000, a kowacce rana, wanda kamfanin mai na NNPCL, ke kokarin kawowa hakan cikas ta fuskar kin samarwa Dangote, isashshen man da suke bukata daga cikin gida Nigeria.
Rahoton ya bayyana cewa tuni man da Dangote, ya siyo ya bar Amurka inda ake kyautata zaton zai iso Nigeria, cikin wata mai kamawa.