Kungiyar kwallon kafa ta Real Madrid ta sake zama zakara, bayan doke Frankfurt da 2 – 0 a wasan karshe na gasar UEFA Super Cup.
Ana buga kofin Super Cup ne a tsakanin kungiyoyin da suka lashe kofin Gasar Zakarun Turai da na UEFA Europa League.
Madrid ce ta fara zura kwallo a minti na 37 ta hannun dan wasanta David Alaba, kafin tafiya hutun rabi lokaci.
Bayan dawowa daga hutun rabi, zakaran Real Madrid, Benzema ya kara kwallo ta biyu a minti 65.
Real Madrid ta lashe kofin Super Cup sau biyar a tarihi.
