Barcelona na shaukin ganin sun sayi dan wasan Manchester City na gaba wanda kuma dan asalin kasar Sipaniya ne, Ferran Torres mai shekara 21.
Shugabannin kulob din na Barcelona sun tattauna da wakilan Torres din a lokacin bikin Ballon d’Or da aka gudanar ranar Litinin.
Har wa yau kulob din na Barca na da sha’awar dan wasan Man United dan kasar Faransa, Anthony Martial mai shekara 25.
Dan wasan Manchester United kuma dan asalin kasar Faransa, Paul Pogba mai shekaru 28, a baya-bayan nan ya gana da shugaban kulob din Paris St-Germain, Nasser Al-Khelaifi duk da cewa kungiyar wasan ta PSG ta tsaya kai da fata cewa ganawar tamkar gam-da-katar ce ba wai tsara ta aka yi ba.
BBC Hausa
